Kertas Kaanggen Nanem Punya

ADIAYA I

PEMAHABAH

1.1 Latar Belakang

            Ring aab globalisasi sane mangkin, akeh para jadma sane nganggen piranti-piranti sane sampun canggih sakadi komputer, hp, miwah sane lianan. Nika sane ngawinang piranti-piranti tradisional sayan nenten kaanggen malih lan sayan ngical-ngicalang. Pateh sakadi kawentenan tanah sane mangkin, tanah ring aab gumine mangkin sampun sayan mewehang kacingak, sane mangkin nanem punya ageng sampun meweh polih tanah sane subur. Tanah sane mangkin akehan kawigunannyane antuk genah wewangunan sakadi ngwangun wangunan hotel, jeroan, miwah kaanggen antuk ngwangun margi-margi ageng sane maaspal, kawentenan tanahe sakadi punika kasengguh jele, karana tanah kaanggen piranti nanem punya. Yening kawentenannyane sakadi puniki ngalantur pastika akeh punya jagi ical santukan kakirangan tanah sane kaanggen piranti nanem punya punika.

            Nanging malianan teken kawentenan kertas sane sarahina-rahina dangan kapolihang, napi malih samian jadma sane mangkin nganggen kertas ring pakaryannyane, lianan teken punika akehan kertan sane nenten kanggen malih kaentungang ring genah sane nenten patut lan prasida ngawinang palemahan nyane nenten bresih. Kertas sering mabrarakan ring genah sane nenten patut, nika sane ngawinang palemahan sane mangkin sampun akeh sane paridan olih limbah-limbah kertas. Punika sane ngawinang panyurat nglakasanayang model anyar inggih punika nganggen kertas ring piranti nanem punya. Wentennyane tetimbang punika mangda nenten meweh antuk masyarakat sampun kapilah piranti nanem punya sane dangan kapolihang. Nanging piranti nanem punya punika madue kelebihan lan kekurangan, yening nganggen piranti tanah prasida kaanggen ring samian punya, punika punya sane prasida kaajeng miwah punya sane kaanggen taneman hias. Malianan teken piranti kertas, yening nganggen piranti kertas nenten prasida nanem punya sane prasida kaajeng krana ring kertas punika wenten bahan kimia, lan wantah prasida kaanggen ring taneman hias manten. Yening sampun prasida ngangen kertas ring piranti nanem punya, nika sampun prasida ngwantu mecikang palemahan puniki. Yening samian jadma sampun prasida nyaga palemahannyane mangda tetep becik, pastika palemahannyane prasida mecik-mecikang.

1.2 Pikobet

1.2.1 Napi nika tanah lan kertas?

1.2.2 Punapi pabinayan nganggen piranti tanah teken piranti kertas?

1.2.3 Napi manten bahan lan piranti sane patut kasiagayang?

1.2.4 Punapi proses ngaryanin kertas mangda dados piranti nanem punya?

1.2.5 Napi manten keunggulan lan kelemahan kertas kaanggen piranti nanem punya?

1.3 Tatujon

1.3.1 Mangda uning napi nika tanah lan kertas.

1.3.2 Mangda uning pabinyan nganggen piranti tanah teken piranti kertas.

1.3.3 Mangda uning napi manten bahan lan piranti sane patut kasiagayang.

1.3.4 Mangda uning proses ngaryanin kertas mangda dados piranti nanem punya.

1.3.5 Mangda uning keunggulan lan kelemahan kertas kaanggen piranti nanem punya.

ADIAYA II

PANELATARAN

2.1 Nguningayang Tanah lan Kertas

2.1.1 Tanah

                                                Gambar 1. Tanah

            Tanah ring basa Yunani kasengguh pedon, lan ring basa Latin kasengguh solum. Tanah inggih punika kepahan kerak buni sane masusun saking mineral lan bahan organic.

            Tanah punika madue kawigunan majeng ring samian kauripan sane wenten ring gumi puniki karana tanah punika ngwantu kauripan punya antuk nyiagayang hara lan toya taler ngwantu akah punya. Struktur tanah sane marongga-rongga kadadosang genah sane becik majeng ring akah sane pacing maangkihan lan tumbuh. Tanah taler kadadosang habitat hidup samian mikroorganisme. Samian hewan darat, tanah kadadosang genah idup lan magedaban.

            Ring segi klimatologi, tanah mawiguna pisan santukan tanahe punika nyimpen toya lan menekan erosi, yadiastun tanah punika prasida erosi. Komposisi tanah mabinayan ring siki genah teken genah sane lianan. Toya lan angin punika bagian saking tanah.

            Karakteristik utawi sifat tanah sane subur mabinayan sareng tanah sane nenten subur utawi tanah sane madue unsure hara akidik. Tanah sane akeh unsur haranyane punika becik kaanggen nanem punya, nanging tanah sane kirang subur punika wantah kaanggen nanem punya sakadi punya jati. Sifat tanah sane subur biasane tanahnyane mawarna coklat selem lan teksturnyane gembur. Tanah sakadi punika becik ring pertumbuhan tanaman. Nanging nenten akidik tanah sane kirang subur sakadi tanah sane kadar batu kapurnyane akeh kantun prasida kaanggen nanem punya.

Jenis jenis tanah:

1. Tanah humus
2. Tanah pasir
3. Tanah alluvial / tanah endapan
4. Tanah podzolit
5. Tanah vulkanik / tanah gunung berapi
6. Tanah laterit
7. Tanah mediteran / tanah kapur
8. Tanah gambut / tanah organosol

2.1.2 Kertas

Gambar 2. Kertas

            Kertas ring basa Inggris kasengguh paper lan ring basa Welanda kasengguh papier. Kertas inggih punika barang anyar sane kakryanin olih manusa sane marupa lembaran-lembaran tipis sane prasida kauwek, kagulung, kalipat, kadeketang lan katulisin. Kertas kakaryanin antuk ngwantu memenuhi kebutuhan idup sane magenepan.

            Kertas kauningin kanggen piranti sane utama rikala nyurat, nyetak taler ngambar lan akeh malih kawigunannyane sane lianan sane prasida kalaksanayang nganggen kertas sakadi kertas tissue sane kaanggen ring hidangan, kebersihan utwai ring toilet. Wentennyane kertas inggih punika revolusi anyar ring jagad surat menyurat sane nyumbangang artos ageng ring peradaban mercapada. Sadurung wenten kertas, bangsa-bangsa dumun nganggen tablet saking tanah lempung san katunjel. Nika prasida kacingak ring peradaban bangsa Sumeria, Prasasti saking batu, kayu, tiing, belulang utawi tulang buron, sutra, miwah don lontar sane kajangkepang sakadi sane kacingak ring naskah-naskah Sunantara sane dumun.

Sifat-sifat kertas

            Tebel tipisnyane kertas pacang ngawetuang dangan utawi meweh kakryanin. Pada umumnya kertas prasida kalaksanayang sakadi:

1. Prasida katunjel.

2. Prasida ngisep toya.

3. Prasida kalipat.

4. Prasida kagetep antuk gunting utawi tiuk.

5. Prasida kauwek.

6. Prasida kajangkepang antuk lem.

7. Prasida katoreh antuk benda sane lanying utawi tumpul.

8. Prasida kagulung.

9. Prasida kaperes antuk tangan.

10. Prasida katusuk antuk jaum utawi benda sane lanying.

11. Prasida kasambung antuk stapler.

12. Prasida kajepit.

13. Prasida kabolongin antuk piranti khusus.

Jenis-jenis kertas

            Kertas sane wenten ring mercepada puniki wenten magenepan wentuk utawi kawigunannyane. Puniki wenten jenis-jenis kertas sakadi:

1. Kertas bungkus sakadi kertas bungkus ring semen, kertas lilin.

2. Kertas tisu sakadi sigaret, karbon, tisu muka.

3. Kertas cetak sakadi kertas untuk buku cetak.

4. Kertas tulis sakadi kertas HVS.

5. Kertas Koran.

6. Kertas karton.

7. Kertas hard Board

2.2 Pabinayan Piranti Tanah teken Piranti Kertas

Gambar 3. Pot dengan media tanah                      Gambar 4. Pot dengan media kertas

No	Piranti Tanah	Piranti Kertas
1	Meweh kapolihang	Dangan kapolihang
2	Prasida ngamedalang buk	Nenten prasida ngamedalang buk
3	Sampun ketah	Model anyar
4	Bobot taneman baat	Bobot taneman iing
5	Nanggen rabuk	Nenten nganggen rabuk
6	Nenten prasida kagenahang ring gedong	Prasida kagenahang ring gedong

 Tabel 1. Perbandingan Media Tanam Tanah Dengan Media Tanam Kertas.

Panelataran saking piranti tanah

            Ring kauripan sakadi mangkin sampun meweh ngamolihang tanah sane lemek sane kaanggen piranti nanem punya, napi malih ring kota makasamian tanahnyane sampun kagentosin olih wewangunan wewangunan. Nanem nganggen piranti tanah prasida ngawinang kawentenan potnyane ngancan daki santukan tanah punika kantun belus lan yening sampun tuh prasida ngamedalang buk. Lianan teken punika, nganggen piranti tanah sida ngaenang baat potnyane, krana tanah punika kantun mabesikan. Lianan teken punika, nganggen tanah sane kaanggen piranti nanem malih merluang rabuk. Yening kawentenan tanah punika nenten becik lan nenten kadangingin rabuk, nika mawinan taneman sane jagi katanem prasida gelis mati. Nagingin rabuk puniki kalaksanayang acepok ring awuku. Rikala nagingin pupuk kajantenan tanah punika jagi ngamedalang wereng sane ngusak taneman. Nika mawinan yening iraga nanem nganggen piranti tanah, linan teken numbas rabuk sane mael, iraga musti nyiagayang cairan pestisida sane kaanggen ngamatiang wereng sane paca ngusak taneman punika. Nanem nganggen piranti tanah nenten prasida kagenahang ring gedong sane alit, krana prasida ngamedalang buk, taler tanen taneman punika sampun ageng yening kagenahang ring gedong sane alit, santukan prasida ngusik angkian jadma sane pacing sirep ring gedong punika. Nanem nganggen piranti tanah sampun ketah kacingak, krana samian jadma ring mercapada puniki nanem punya nganggen piranti tanah.

Panelataran saking Piranti Kertas

            Kertas kaanggen piranti nanem punya nenten ja meweh, krana kertas punika dangan pisan kaplohang napi malih nganggen piranti kertas puniki nenten ngamedalang buk rikala kertas punika tuh. Nganggen kertas sane kaanggen piranti nanem punya prasida ngae punya punika iing, krana yening nganggen kertas sane sampun tuh pastika nenten ngawetuang gumpalan-gumpalan sakadi tanah. Nanem punya nganggen piranti kertas punika nenten akeh ngamerluang jinah, santukan yening nanem punya nganggen piranti kertas nenten malih ngangeen rabuk. Nanging nganggen kertas sane kaanggen nanem punya punika musti ngentosin kertas punika sabilang awarsa. Santukan yening nenten kagentosin kertas punika prasida beteg lan ngawetuang bo sane jele taler prasida berek. Krana piranti kertas puniki nenten ngamedalang buk, rikala nanem nganggen piranti kertas punika prasida kagenahang ring gedong sane alit, lianan teken punika pot sane kaanggen rikala nanem punya nganggen piranti kertas puniki nenten je musti nganggen pot sane ageng, nanging prasida nganggen pot sane mawit saking botoh air mineral. Taneman pot sane kacingak nenten melah saking doh pastika prasida kacingak becik santukan wenten nuansa warna putih ring piranti nanem punya punika. Taler nganggen piranti kertas punika wantah prasida kaanggen nanem taneman hias manten.

2.3 Bahan lan Piranti Sane Patut Kasiagayang

            Ring aab globalisasi puniki kertas dangan kapolihang, punika sane ngranayang akeh limbah kertas sane mabrarakan ring genah sane nenten patut. Sane mangkin limbah kertas puniki sering kaanggen piranti nanem punya. Puniki krana piranti tanah sampun sayan meweh kaalih, krana tanah punika sampun kaanggen ring sakancan pawangunan minakadi wewangunan utawi margi ageng. Malianan teken kertas, kertas puniki dangan pisan kapolihang santukan sabilang wai wenten limbah kertas sane nenten prasida kabacak wilanganipun akehnyane. Nika mawinan panyurat jagi ngawedarang kawigunan limbah kertas kaanggen piranti nanem punya.

            Piranti kertas kaanggen piranti nanem puniki kakryanin santukan akeh limbah kertas sane makutang tan paguna, nika mawinan panyurat madue pikenoh nganggen kertas kaanggen piranti nanem pangentos tanah lan kertas sane kaanggen piranti nanem puniki prasida ngentosin kawigunan tanah sane kaanggen genah proses panglimbakan punya sane jagi rauh.

            Nanem nganggen kertas sane sampun kaanggen mawiguna pisan majeng ring taneman ring gedong krana nenten ngawinang daki lan nenten ngamedalang buk.

Bahan-bahan sane patut kasiagayang inggih punika:

1. Kertas sane sampun naenin maangge akehnyane 1 Kg/sapatutnyane

2. Toya akehnyane ± 5 liter.

Piranti sane patut kasiagayang inggih punika:

1. Blender.

2. Ember sane madue diameter ± 50 cm.

2.4 Proses Ngaryanin Kertas Mangda Dados Piranti Nanem Punya

1. Emem kertas punika ring toya sane akehnyane ± 5 liter.

2. Benyahang kertas sane sampun belus punika ngantos alus sakadi tanah.

3. Kertas sane sampun kabenyahang punika salanturnyane kacelepang ring mesin blender mangda alusan.

4. Peres kertas sane sampun alus punika ngantos tuh ngeritik.

5. Celepang kertas sane sampun tuh punika ring pot lan dangingin punya sane pacing katanem.

Gambar 5. Pot Menggunakan Media Tanam Kertas

            Santukan limbah kertas punika madue bahan kimia sane pralaya majeng ring angga sarira, limbah kertas puniki sapatutnyane wantah kaanggen nanem punya sane nenten kaajeng. Lianan dangan tatikes pangaryanannyane, piranti kertas puniki patut kaanggen ring taneman hias ring gedong karana nenten ngawinang gedongnyane kotor.

            Sapatutnyane wit mangkin pakraman nenten ngentungang kertas sane sampun kaanggen utawi bekas, santukan kertas sane kabaosang nenten maguna punika, kantun prasida kaanggen. Silih sinunggilnyane prasida kaanggen piranti nanem punya, utamannyane punya sane kasengguh taneman hias.

2.5 Keunggulan lan Kelemahan Kertas Kaanggen Piranti Nanem Punya

            Rikala wenten penemuan, pastika madue keunggulan miwah kelemahan saking penemuan punika. Pateh sakadi piranti nanem punya saking kertas puniki. Puniki wenten keunggulan lan kelemahannyane:

Keunggulannyane

1. Prasida ngicalang limbah kertas ring palemahan.

2. Ngamedalang model anyar ring sakancan seni nanem punya.

3. Nenten ngamedalang buk rikala kagenahang ring gedong.

4. Lebih efisien.

5. Dangan kapolihang.

6. Nenten nganggen rabuk.

7. Ring kertas punika madue senyawa klor sane mawiguna antuk punya. Santukan senyawa klor puniki ngwantu ngawentuk hormone punya lan prasida mecikang kualitas produksi punya.

8. Kertas puniki becik rikala ngisep toya.

9. Nadosang limbah kertas puniki kaanggen komoditi sane maguna malarapan antuk kawigunannyane sane prasida kanggen piranti nanem punya.

Kelemahannyane

1. Nenten prasida kaanggen rikala nanem punya sane kaajeng.

2. Madue zat kimia sakadi senyawa Perak Nitrat utawi Merkuri.

3. Wantah prasida kaanggen nanem punya ring pot manten.

4. Kertas puniki prasida berek.

ADIAYA III

PAMUPUT

3.1 Untengnyane

            Kertas prasida keanggen piranti nanem punya ngantinin piranti tanah. Yadiastun piranti nanem punya saking kertas puniki pateh sareng piranti nanem punya saking tanah, inggih punika makakalih piranti puniki kaanggen mangda punya sane katanem punyane becik, nanging yening ngangge piranti kertas puniki karasayang dangan santukan prasida nganggen kertas sane sampun kaanggen lan sampun dados limbah. Nanging piranti kertas puniki madue kalemahan lan keunggulan. Kelemahan piranti kertas puniki inggih punika ring punya sane jagi katanem, piranti kertas puniki wantah prasida nanem punya sane nenten patut kaajeng. Yening keuunggulan piranti kertas puniki inggih punika nenten ngawinang nuk yening kagenahang ring gedong lan prasida ngicalang limbah kertas ring palemahan mangda palemahannyane bresih.