Ne ada reko katuturan satua. Dadi madan ane kesatuan I
Satu ajaka I Kedua. Guminne madan di Perang-Banah. Nah dening keto. Dadi ane
madan I Satu, ulih kelas ento anak masekolah, singaketo. Kelas satu, kelas dua.
Dadi masukne ento, mabekel kone dasa rupiah dasa rupiah bekelna teken bapanne,
singaketo. I Satu dasa rupiah di kelas satu. Kelas dua masi dasa rupiah. Ento
telah ento ane dasa rupiah dasa dina. Dong awai, arupiah ye nelahang.
Ento ada kone peritungane I Kedua, ketaang teh. Nah ento,
sing adina I Satu, di kelas satu. Nyamane di kelas dua: “Adi, jani kene baan
lan, pang inihan bekele. Bekel adine malu onyang. Nyanan suba telah bekel
adine, bekel beline nah dahar bareng. Yadin ya jangkana teken I bapa pang
nelahang awai arupiah yen nyidaang. Nah jani slagenti suba ento!”
“Enggih, kenten ja beli margi!”
Bekel adine kone
onyanga. Ya suba telah bekel adinne, singaketo: “mangkin ampun telah bekal
tiange beli. Mangkin bekel beline”.
“ Ah jani kene. Bang macek matane aneh, ane di kebot
pacek. Dahar suba bekel beline bareng!”
“Naan ten ya tiang ngenot nika”.
“Ah kanggoang aneh ngenot”.
“Nah melah masi. Nah kenten beli, pacek ja pacek.”
Paceke ento. Buta suba aneh, singaketo. Suba kacerita
buta, baanga kone bekelne, singaketo. Jani, sing telah ento dasa dina. Suba
telah, malih I Kedua “ Adi da muli. Beli dogen mulih!”
Jani mulih kone ento morahan teken bapane: “Bech adine
dija ento!”
“Beh aliha teken gurune”.
“Siliha kenken”.
“Peh jug cepet gati. Jani icing nyuwang bekelne mulih”.
“Nah, keto je, dadi”.
“tunden ngajain kelas satu”.
Baanga pipis bin amonto, teken bapanne. Suud baanga pipis
terus buin masuk. Subane keto bin masi keto. Bekel adina onyanga: “Suba telah
bekel adine, bekel beline buin!”
“Nyan da buin paceke matane. Icang suba sing ngenot ne
abesik!”
“Nah”
Suba telah bekel adine buin kone: “Nah jani suba telah
bekel iadnie. Ambul bang macek matane bin abesik, lakar ka bang naar bekel
beline!”
“Pacek ja pacek. Duga ban tiang seduk”. Keto kone. Paceka
makedadua.
Buta lantasanga: “Peh jani kenken ban madaya tara ngenot.
Payu ya masuk!”
Suba tara ngenot singaketo. Nah dening keto ka gelising
carita. Telah bekele: “Jani adi kene ba. Lan ba mulih. Mareren suba adi masuk!”
“Mulih ya tiang mulih!”
Men upama umah kawuh. Kangin ajaka singaketo teken
beline. Laut di Jembrana masuk Ka Buleleng ka Karangasem ajaka. Teked ditu:
“Neh paek suba umahe. “Ma suba mulihan!”
Kutanga adine. Laut tara ningalin, nawang ya. Sing nawang
dalem, sing nawang daken, singaketo: “Men beli dije niki umahe!”
“Nah, ditu suba majalan. Kaja laku, umah uba. Imeme
kaukin!”
Kauk kauk kone I Satu, singaketo: “Meme meme”. Mase sing
masaut: “Bapa bapa”, masi sing ada. Gadeblug laut keto ulung di semere. Men
anak tara ningalin, sing ya semer clempungina. Beline mulih kone. Subane neked
jumah: “I adi dije!” keto kone.
“Terus suba ngajahin. Sing nyandang bekelin suba ya
biin!” keto I Kedua singaketo.
“Men jani patut cai dogen nyuang bekel”
“Icang dogen ba. Iya anak suba maan gajih”. Keto kone.
Nah lantas ulung ditu di semere singaketo: “aduh”.
Kasasarne kone. Suba kacarita makatelun di semere peteng
lemah. Ada kone sabda, nah Ida Bhatara Wisnu singaketo: “Yeh I Kesatu dini”.
“Enggih”.
“To adi dini!”
“Peh tiang atehanga mulih teken belin tiange. Patujuanga
tundene kaja tiang laku. Ujug ulung tiang deriki. Uling pidan tiang kaden.
Tiang tan uning peteng, ring lemah”.
“Nah jani kene satu. Nyanan ambul ada anak niwakang timba
makaukan men: tulungin tiang penekang” keto abete.. suba teked baduhur gadab
gadabin ditu di tlempang semere. Lamun ngadap don kayu. Ento suba ketus done.
Lantas ento ane uyeg di tlapakan limane. Anggon ngajangin paningalane
makadadua. Nah ento done ubad buta. Nah jani aba ento. Ento pangesan matanceb
masehan. Buat punyane ubad rumpuh”!
“Enggih”.
Sajaan kone tan cinarita. Ada anak niwakang timba. “Jero
jero”. “Sira nika niwakang timba!” tulung tiang penekang”. “Lacur tiang ulung!”
“Enggih”. Keto kone
Ento glantingina menek kone. Suba neked baduhur. Gadab
gadab ya: “tiang lacur. Tiang buta.” Mara gadabina sajaan kone ada don kayu.
Ento kucana anggona ubad singaketo. Peh celang kone dadi.
Suba celang, abuta kone nah cinarita punyan kayune ento. Nah ka gelisin suba
mabut.
Abana suba kayune ya suba ngajinang singaketo. Majalan
kone ya suba:”Ne dija umahe!”
Tan cinarita nepuk lantas desa. Nepuk desa nepuk dagang.
Dagang nasi kone. Jug awantilan kone anake mategul ditu. Beh ada pamangku ada
padanda ada sengguhu. Ada nah pengawa singaketo anake mategul.
Nah matakon I Satu lantasanga: “Jero jero dagang nasi.
Niki dados sareng akeh anake mategul drika ring wantilne, sapunapi she nika!”
“Sapuniki jero. Rauh kurenan tiange drika mategul. Antuk
ida anake “Agung deriki, maderbe oka sungkan. Sue sampun buta nenten nyingakin.
Malih biange rumpuh nika. Sira ja ngaturang tamba, yen nyidayang, jaga kaduduk
kanggen mantu ring anake agung. Makasami punika balian baliane ngaturang tamba
ten nyidyang. Raris sampun telas ring jagate deriki baliane. Merang kayun
agung. Jug kapangandikaang enggih mademang baliane sami”.
“Ih dewa ratu. Enggih sakewanten sinampura titiang jero
dagang matur. “yen dados titiang jaga ngaturang tamba ring anake agung”.
“Enggih titian jaga ngaturang”.
“Sakewanten yen dados okane sane buta nyingakin. Jaga
tunas tiangpunika sane mabakta puniki!.
“Enggih yan sapunika, tiang sampun ngawekasang. Driki
dumun enggih!” keto.
“Weh ne ngenken meme dagang nasi dadi mamitang lugra tan
pakencerik!”
“Nawegang matur sisip titian ring dewa agung. Wenten niki
datengan yen saking napi jadmane nika. Jaga ngaturang tamba. Malih yan dados
jaga kalungsur sane jaga kasedaang puniki padanda, sengguhu. Enggih sami jaga
tunasa”.
“Peh nah lamun keto dadi. Lamun sing ngidaang, iya lakar
kamatiang!”
“Enggih ipunn jaga kapademang”.
“Nah lamun keto ma tunden mai ma apang tawang!”
“Enggih titiang nglungsur mapamit mangda mriki tangkil.
Kantun ring padagangan titiange”. Keme lantasanga buin: “jero jero tamiu”.
“Tiang”.
“Nikaang ka puri ampun mangkin. Yen tan mrasidaang,
jerone kasedaang taler”.
“Enggih tiang nyadia. Margi. Meme dagang nasi apang masi
bareng. Tiang “ten uning”.
“Enggih
margi !” Keto.
Bareng I dagang nasi,
singaketo. Nah teked di puri: “TItiang nawegang Ratu “Anak Agung. Puniki sane
jaga ngaturang tamba”.
“Oo ento !”
“Enggih”.
“ Saja lakar ngaturang tamba tekening gelah”. Samiputa
seger pianak gelahe. Jet kurenan gelah anu rabin gelahe”.
“Inggih titiang matetegan “. Keto I Kesatu.
“Nah yen sing ngidaang, mati.!”
“Enggih wiadin sapunika yen mrasidayang titian jaga
nglungsur puniki sane mabakta sami”.
“Nah”. Keto lantas.
Kucana kone don kayune. Ya makrubung aji kamben putih
nguca ento. Dadi suba pesu yehne. Mara kone nikaang ngubadin ba okane. Dong
ubadne ento prajani kone ilang :” beh aji. Niki sira sane ngubadin titian!”
“Oo ne tamiu “.
“ Peh becik ampun titiang. Jug kadi napi ja sane dumun.
Sapunapi ja mangkin jug waspada antuk tiang”.
“Bah ambul keto biange bin ubadin!”
Bin kone biangne
nikaang ngaturang tamba. To kone babakne yunta anggona ngepel-ngepel. Seger
kone sajaan. Ba ditu I Kesatu sahananing ane mategul ka tunas kalusin. Buung
kabilengang. Liu anake nyayangang I Kesatu. Buina okane kaicen I Kesatu. Dadi
anak agung. Suba keto dadi mapamit ya I Kesatu. Papinehne I Kesatu: “nah jani
yen sing I beli iraga ngeranaang keni. “benehne sing nepukin kene. Nah jani
ambul I beli ja bareng dadi agung, ngiring. Ambul sing, sing”. Keto kone. Ento
awanan malih beline I Kedua singaketo. Dadi mejuk I Kedua bane ulih ngeboingin
adina. Adinne mesenang apang musti teka kema, ka puri sig anake agung. Apang
dadi papatih gede. Yen papineh I Kesatu apang beline dadi agung. Bah sing nyak.
Batek dadi papatih nyak I Kedua. Payu ya I Kesatu dadi agung ditu. Meh yen
iraga suntika matane meh macapatan sing Makita apa. To ya ulih sangsarane ento
nepuk bagia. Dadi ento pinehang ulih beline ngranaang sadia.
Nah tan cinarita satuanne I Kesatu I Kedua. I Kesatu dadi
agung . I Kedua dadi papatih ditu. Pragat satuanne ento.
No comments:
Post a Comment