Gatra Bali

                                                                    Gatra Basa Bali

 

1.      Teges Gatra

Gatra utawi orti inggihan wicara anyar mabuat kadartayang majeng kramané manut prasarana gatra sané ketah.

 

2.      Bantang Wicara Sajeroning Gatra

Mungguhing bantang wicara sané prasida kadadosang gatra luiré:

a.       Anyar (baru), nartayang wicara anyar.

b.      Mabuat (penting), wicara sané kadartayang mabuat majeng sang mireng utawi ngwacén.

c.       Mageng tur limbak (besar), wicara sané kadartayang mapikenoh ring kahuripan jatma makéh.

d.      Nampek (Dekat), nartayang wicara sané nampek saking kauripan parajanané.

e.       Ketah (Ténar), wicara sané kadartayang sajeroning gatra sampun ketah kauningin olih karma sareng akéh.

 

3.      Pisarat Wicara Sajeroning Gatra

a.       Pastika (Fakta), wicara sané kadartayang pastika (fakta) kawéntenanné.

b.      Ngilis (Nyata), kawéntenan wicarané ngilis, boya ngawi-ngawi.

c.       Seken, Pasaja (Obyéktif), wicara sané kadartayang seken, pasaja (obyéktif), nénten nguang lebihin wicara. Sang makarya gatra madasar antuk pakahyunan jujut, adil.

d.      Tan Mapilonan (Berimbang), kawéntenan wartawan sajeroning gatra inucap nénten mapilonan ring sira-sira (berimbang).

e.       Tepet (Akurat), wicara sané kadartayang tepet manut galah, patut tan wénten kaiwangan, tur prasida katanggung jawabang olih sang ngardi (wartawan).

f.       Jangkep (Lengkap), wicara sané kadartayang jangkep kawéntenannyané manut uger-uger gatra luiré:

·         Napi (What), nartayang napi sané wénten.

·         Pidan (When), ipidan wéntené wicara sané kadartayang.

·         Dija (Where), dija genah wicara sané kadartayang.

·         Sapasira/Sira (Who), sapasira sané kabaos ring wicara inucap.

·         Kenapi (Why), mapaiketan ring napi ngawinang wéntené wicara inucap.

·         Sapunapi (How), sapunapi kawéntenan wicara inucap.

4.      Basa Sajeroning Gatra

Wartawan utawi wartawati sajeroning nartayang gatra nganggé tulisan jurnalistik. Pinaka tulisan jurnalistik maderbé cecirén:

1.      Lengkarannyané cutet tur padet

2.      Pakéling, patinget gelis katiba majeng pamiarsa utawi pangwacén.

3.      Basannyané saderana, tingglas, tur dangan ngresepang,

Wénten kakalih tata carannyané ngrauhang gatra luiré:

1.      Majalaran media éléktronik, sakadi: TV, radio, e-mail, msl.

2.      Majalaran media cétak, sakadi: koran, majalah, msl. 

MMateri sajangkepnyane sane marupa pdf prasida kadownload iriki : Gatra Basa Bali

...

M